Sinopsi

‘Int Kollox Għalija’ miktuba minn Kersten Graham. Il-kreazzjoni ta’ din id-diska bdiet wara mument maġiku fir-relazzjoni bejnu u bejn il-maħbuba tiegħu fis-sena 2024. Id-diska titkellem fuq l-imħabba innoċenti, pura, onesta u reali, fejn fiha l-awtur jitkellem fuq kif fl-aħħar sab l-imħabba ta’ ħajtu, u l-effett profond li din tħalli kuljum. 

Bijografiji

Kersten Graham

Artist, Kompożitur u Awtur

Kersten Graham għandu 31 sena u jgħix ġewwa Ħal Qormi. Minn età zgħira, dejjem kellu esperjenzi pożittivi li għenuh isir il-Kersten li hu llum. Ommu kienet iddoqq diski minn gruppi rock bħal Guns N' Roses, Aerosmith u oħrajn, u missieru kien iħobb ħafna lill-Beatles, u mużika pop tas-60ijiet u tas-70ijiet. 

Il-ġenituri xtrawlu kitarra klassika għall-Praċett, però wara xahar ta' lezzjonijiet, I-għalliem kien qallu li qatt mhu se jsir kapaċi jdoqq! Ir-raġuni kienet li dejjem kien ribelluż u kien iħobb jimitahom waħdu bil-widna, u llum qegħdin hawn!

Kersten idoqq f'diversi bars u rajnieh anka f’kuncerti kbar bħal Rockestra, u Malta Rocks, fost oħrajn. Hu rebaħ il-Beland Music Festival, u daqq tliet darbiet barra minn xtutna fl-Ingilterra.

Kersten ħareg total ta’ tmien diski s’issa u qiegħed fil-vicin biex jiddebutta l-ewwel album tiegħu. Hu kkollabora ma’ artisti distinti bħal Kurt Calleja, Glen Vella, Matthew James, u Jean Paul Borg mill-band The Busker, fost oħrajn, kemm live kif ukoll fl-istudjo.