• Mużika Mużika

TGĦIDLIX GĦALFEJN



Kantant: Kyle George

Kompożitur: Cyprian Cassar

Awtur: Clifton Casha


Il-Kanzunetta TGĦIDLIX GĦALFEJN, interpretata minn Kyle George, tirrakonta storja ta’ mħabba li sfaxxat fix-xejn.


Fil-bidu tal-kanzunetta l-awtur jiddeskrivi d-diżappunt li wieħed iħoss meta l-imħabba f’relazzjoni ma’ tkunx reċiproka. Jitkellem ukoll dwar il-konsegwenzi li tesperjenza l-koppja meta ma tindirizzax din il-problema.


Lejn l-aħħar tal-kanzunetta il-protagonist jirribella u jisplodi b’emozzjoni meta jiddeċiedi li jieqaf jipprova darba għal dejjem. Il-kanzunetta toffri perspettiva realistika fuq dan is-suġġett, fejn xi mdaqqiet mhuiex għaqli tibqa tittama iżda jkun aħjar għalik taffaċċja r-realtà u tħalli spazju f’qalbek fejn tista’ tinbet imħabba ġdida.


Miktuba fuq stil pop blues, din il-kanzunetta għandha ritmu modern u melodija tal-widna. Kyle George jgħidilna li din il-kanzunetta hija waħda li tolqtu fil-laħam il-ħaj għax tfakkru f’esperjenzi simili f’ħajtu, u jinsab ċert li ħafna jistgħu jirrelataw magħha. Hu jixtieq iwassal il-messaġġ li ‘inti’ bħala persuna għandek valur imprezzabbli u ma jistħoqqlok l-ebda tip ta’ disrispett, allavolja fil-fond ta’ qalbek tkun għadek tittama u tħobb lill-persuna.



Aqra aktar dwar il-kanzunetta, l-kantant, awtur u kompożitur HAWN.


Lura għall-kummentarju live


Disclaimer: Il-kontenut ta’ dan il-blog huwa bbażat fuq is-sinossi tal-kanzunetta u jirrifletti l-interpretazzjoni tal-awtur.


Ritratti: Elisa von Brockdorff

124 views